Şıra

ser rayê mı

                      dar u bostan

                      koy u kerey

                      dışmen u tırşıkçi

                       u çorşma dı çımsuri.

Şar kole nêbi

ez kole nêbiya

ez kole nêbena

ez kole biyayenı nêwazena

nê wazeno

pir ü cınya

camêrd u xorti

qeçek u kêyneki.

Kes vir nêkeno

a kışten u zorey

Dersım dı,

Piran dı,

Xarpüt dı,

Koçgıri dı

Ararat zi vira nêkeno

qetıl kerdenêno tay nê bi.

Qeçeki zi vira nêkenê

senin gülê boyê cı weş

                      amey wışk kerdenı

dılo, zordarey dest pê kerdo

dışmen rayan tepışto

xorti metersê

vala yê xü werzanı, azminı...

By/av : Faruk İremet
Title: Zeritenık
Contents/innehåll: Poems
Language/språk: Zazaish
ISBN: 91-972069-7-0
Print/tryckt: 1996, iremet publishing